Dear Papa Joe,
Tawga lang ko og Monina, 14 years old lang ko diri sa Isla sa Negros. Bata pa kaayo ko pero nagpas-an na og problema. Mahitungod ni sa akong mama nga grabe kaayo ka isog, sige pamunal bisag dako na ko. Wala pod siyay pakialam sa akong pag-eskwela.
Okay lang unta bisag pobre mi basta magminahalay ang pamilya. Pero kining akong mama walay adlaw nga dili magtagawtaw namong managsuon. Dili pod siya magtagad namo ug sa among mga kinahanglanon. Wala namo ma feel nga giatiman ug gi love mi sa among mama.
Karon, bag-o lang niabot ang among paryente nga kwartahan gikan sa Manila ug niingon siyang iya kong dad-on para paeskwelahon, at the same time motabangtabang sa mga trabahoon. Buotan kaayo ang babaye nga paryente namo, maong ni okay dayon ko.
Sabot namo nga kuhaon ko niya inig kahuman sa klase sa umaabot nga Marso. Excited na kaayo ko kay sa katapusan makalingkawas na ko sa kapait diri sa amo. Pero nausab man nuon ang hukom ni Mama, dili na siya mosugot nga moadto kog Manila. Iya nakong giayo-ayo karon pero ako, gusto gyud kong moadtog Manila. Please tambagi ko.
MONINA
Dear Monina,
Bisag unsay mahitabo, bisag unsa kapait ug kabati sa kinaiya sa imong mama, imo gihapon siyang inahan. Siguro blessing in disguise ang plano pag-adto nimog Manila kay basin naka realize na imong mama nga mingawon diay siya nimo kon wala na ka diha sa inyo.
About sa inyong paryente nga gustong mogasto nimo sa Manila, klaroha lang pod og maayo kon sure ba gyud nga makaeskwela ka, basin og maglisod hinuon ka didto, what if daghan na kaayong buhatonon sa balay ug dili naka maka eskwela. There’s no place like home. Ang imong mama maayo na ang tinagdan nimo karon tungod kay dili siya gustong malayo ka.
PAPA JOE
(Sa inyong problema ipadala sa papajoesuperb@gmail.com)