MIHATAG ang kagamhanan sa dakbayan sa Talisay sa ilang hinabang sa mga nabiktima sa landslide sa dakbayan sa Naga ingon man ang ilang mga kawani sa City hall nipadangat sab sa ilang donasyon.
Si Dr. Jomar Rubio, chief of staff sa buhatan ni Mayor Eduardo Gullas, mipahibawo nga human sa landslide ang ilang mayor dali mimando kaniya sa ilang mga department head nga mohatag sab silag donasyon sa mga biktima lakip sa ilang gitawgan ang mga job order, mga residente sa dakbayan sa Talisay nga moabag.
Gipahibawo niini nga duna silay command post nga nakabasi sa Talisay City Hall, nga maoy modawat sa relief goods bisan unsang mga hinabang sa mga tawong gusto modunol aron mahatag sa mga biktima sa Naga. (GPL)