GIHULAGWAY sa hepe sa Cebu City Police Office (CCPO) nga walay pulos ug dili katuohan ang pagdeklarar og drug-free nga barangay.
“For me, it’s not realistic. Kayo nakatira kayo sa barangay maniwala kayo?” matod ni Senior Supt. Royina Garma.
Matod niini, nga kinahanglan nga aduna’y barangay-based drug rehabilitation centers alang sa drug users.
Dugang sa pag-ingon nga ang local government units, magsugod na sa pagpangita sa logistics ug manpower niini, ug unahon kadtong mga hitak ang drugas nga mga barangay.
“Kung dineclare mo na free yan, wala na kang gagawin dahil free na nga, eh. Pagnag-operate ka dun at nasira mo yung perception na free baka magalit pa sa yo ang barangay captain o whoever kung sinong nagpirma na free,” dason niya.
Kinahanglan usab nga perminteng i-monitor ang maong nadeklarar nga drug-free barangay tungod kay kon aduna’y madakpan gihapon sa maong barangay, unsa ang posible nga sanction, “What if mahulihan sa barangay mo? What is the sanction?”
Sa 80 ka barangay, wala’y bisan og usa nga barangay sa dakbayan sa Sugbo ang madeklarar nga drug-free.
Niadtong lang nakalabay nga tuig dihang tulo ka mga drug personality ang nadakpan ug nakuhaan og P14 milyones nga shabu sa Barangay San Nicolas.
Ang oversight committee nga gipangulohan sa Philippine Drug Enforcement Agency 7 (PDEA) ubos sa Dangerous Drugs Board (DDB) mao lang aduna’y katungod nga modeklarar nga drug cleared ang usa ka barangay. (HBL,KAL)