SUPERBALITA DAVAO

Genoguin: Walay pamolitika

Kontra Balanse

ANG serbisyo di angayang sagulan og pamolitika, diin mao kini ang nahitabo sa Lungsod sa Kapalong, sa 1st district sa Davao del Norte niadtong milabay'ng semana, daw makita gyod ang kolor sa politika.

Nakaingon ko niini, gumikan ang team gikan sa gobyernong probinsyal sa DavNor, pinangulohan ni governor Anthony del Rosario, alegasyong wa gipagamit sa gym sa Kapalong College of Agriculture.

Ang team unta kung hunahunaon, sila ang "Team Malasakit" nga naghatod og daghang serbisyo alang sa katawhan sa Kapalong ug kung subayon gayod, ang maong gym, gipatukod kini ni AGR.

Daw mura'g kini sab ang nahitabo sa milabay'ng bulan didto sa Lungsod sa Braulio Dujali, wa sab kuno gipagamit ang gym alang sa usa ka medical mission, nga kung subayon ang tumong niini alang man unta sa kaayohan sa mga residente sa dapit.

Akong maingon niini, di lamang unta sagulan og pamolitika, ang serbisyo nga gihatud kay alang man kadto sa kaayohan sa katawhan.

Usa baya sa dakong katungod sa gobyerno ang paghatud gayod og serbisyo sa komunidad. Naa na kana sa katawhan kinsay ilang iboto pag-abot sa eleksyon.

Sa laing bahin, pinasikad sa dokumento nga atong gitamdan ngari gikan sa bag-ong speaker Gloria Macapagal-Arroyo, usa ka memorandum sa congressional office sa kanhi speaker ang pagwagtang sa 121 ka mga consultants niini niadto.

Pangutana, abnormal ba kini? O normal? Ang tubag, normal, kay kung 121 ang tanang mga consultants niya sa 17th Congress, migasto ang congress og P.3.5 million kada bulan, sa 121 ka mga personahe, ang milabay'ng mga speaker, sobra pa sa 121 ka mga consultants, duna pa’y miabot ug 187, pero, hunahunaa, nakaabot sila og unom ka tuig.

Susmaryosep, kinsa kaha'y mabasol ning tanan? Sa ato pa, daghan na sab ang makulban og kaldero niini. Puwera sa uban, sama sa regular nga empleyado sa City Hall sa Tagum nga nahimong consultants kay dagko naman seguro sila og sweldo, ang luoy kadtong gagmay og sweldo.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph