PADAYON pa ang makuting imbestigasyon sa kapulisan sa Talomo Police Station human makaplagan ang nadugta na nga patay'ng lawas sa 6-anyos nga batang babaye alas 9 kagahapon sa buntag didto sa sagbutan sa Purok 11, Kilometro 9, Barangay Matina Pangi, Davao City.
Ang biktima giila sa kapulisan nga si Shiela Mae (bansagon gitago) 6 anyos, ug residente sa Morio-Morio, Kilometro 8.5, Brgy. Matina Pangi ning siyudad.
Sumala ni Davao City Police Office (DCPO) spokesperson Senior Inspector Ma. Theresita Plaza-Gaspan nga usa sa ilang mga person of interest mao si Rico Jay Lauron Labao, 27 anyos, construction worker ug silingan ra sab sa biktima.
Si Lauron ang mipahibalo nga dunay patay'ng lawas nga nadugta sa sagbutan, hinungdan nga giadtoan kini sa mga pulis.
Dihang natahap ang mga pulis kang Labao gumikan sa gipangsulti niini sa iyang pagpakaplag, gisubay ang panimalay niini, ug nadeskubre nga dunay mga electrical wire sa iyang balay nga susama sa mga electrical wire nga gibaat sa liog ug tiil sa 6-anyos nga biktima.
Tungod niini, gikustodiya sa Labao ug giimbestigahan sa kapulisan labot sa kamatayon sa biktima.
Sukad sa pagsuwat ning balita wala pa migawas ang resulta sa otopsiya sa biktima aron masuta kung gilugos ba kini una gipatay, apan dako ang posibilidad na giamong-amongan biktima una kini gipatay.
Alas 4 sa hapon niadtong Septyembre 17, 2018 nakurat ang mga ginikanan sa biktima dihang nawala na kini sa ilang balay.
Sukad niadto wala sila mihunong sa pagpangita sa bata diin miabot nalang kanila ang balita nga dunay patay nga nadugta sa kasagbutan.
Dihang nakita sa inahan ang patay nga lawas, positibo niya kining gikomperma nga iyang anak.
Sa kasamtangan padayon ang gihimong makuting imbestigasyon sa kapulisan labot sa hitabo.