Kawat sa water meter, misiaw

MISIAW na usab ang pagpangawat sa nga metrohan sa tubig diin walo na ka mga tag-iya nga mga mulopyo sa Barangay 22 ug Barangay 26 ning siyudad sa Cagayan de Oro ang nabiktima.

Mitaho sa Police Station 3 sa Agora ang mga biktima nga mao sila si Ricardo Salise, 42; Marivic Carlos; Martinito Jarales; Rosie Sabarda; Evelyn Camlian, pulos taga Brgy. 22 ning siyudad ug laing mga biktima gikan sa Brgy 26. nga mao sila si Charles Lloyd Daguimo; Pedro Bardenas ug Bebie Dajan.

Nadiskubre ang hitabo kagahapon mga alas 5:00 sa buntag dihang pulos na nangaputol ang linya ug wala na ang walo ka mga water meter.

Gani usa sa mga nawad-an nibutyag nga human nahitabo ang sunog sa maong dapit mosunod na usab kining pagpangawat sa ilang water meter nga posibleng maglisod na sa pagpalit pag-usab ning panahona.

Nagtuo ang mga mulopyo ingon man kapolisan sa PS3 nga mga batan-on ang nikuha niini ug gibaligya labina gikatahong mahal ang pagpalit niini.

Hinuon ang kapolisan sa PS3 nipasalig nga imbestigahan ang maong hitabo aron masapon ang mga suspetsadong nikuha niini.

Nasayran nga dili lamang sa maong mga barangay misiaw ang sunod-sunod nga pagpangawat sa mga water meter apan daghan usab ang nahimong biktima sa Carmen ning siyudad. (Stephanie V. Berganio)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph