PATAY ang usa ka laborer human kini gipusil didto sa siyudad sa Cotabato.
Biktima giila nga si Noel Palquidad, 41 anyos, minyo ug molupyo sa North Upi, Maguindanao Province.
Subay sa taho gikan sa Cotabato City Police Office, nasayran nga nahitabo ang insidente alas 7:00 sa gabii, Pebrero 1.
Sa imbestigasyon miguwa nga samtang naglabay og basura ang biktima duol sa tindahan nga iyang gitrabahuan, kalit kining giduol sa duha ka wala mailhing mga suspek ug gipusil gamit ang .45 nga pistola.
Namatay diha-diha dayon si Palquidad human malubngi og bala ang iyang ulo ug dughan.
Mga suspetsado, abtik sab kaayo nisibat sakay sa motorsiklo human nasigurong patay na ang biktima.
Matud ni Nelia nga sa wala pa gipatay ang iyang bana may naka-away kining grupo sa mga sidewalk vendors nga duol sa puwesto sa iyang amo nga posibleng dunay kalabutan sa hitabo.
Ang kapulisan padayong nag-imbestiga sa kaso aron madakpan ang mga tawong nagpaluyo sa krimen. (Edgardo Fuerzas)