MAPASALAMATON si Yan Lam Lim, president sa Association of Barangay Council, sa mga barangay kapitan nga nagserbisyo nga wala’y kolor sa pulitika.
Matud ni Lim nga nahinabi sa SunStar Superbalita nga dili sayon ang paghiusa sa matag kapitan apan buot niini nga ipasabot kon unsa ang tumong nga anaa sila sa posisyon.
“So far kay majority busa nidaug ta, hinaot unta nga makasabot ang mga kapitan nga gibutang sila diha aron sa pagserbisyo sa ilang isig -iyang mga Barangay,” tipik sa pahayag ni Lim.
Nagpasalamat usab kini nga majority na sa mga Kapitan ang wala’y kolor sa pagpanerbisyo.
“Dako ko og pasalamat nga wala gyud kolor ang ilang pagserbisyo," dugang niini.
“Sukad paglingkod nako ug naa’y mga seminar, naay’ mga tawag sa mga DILG (Department of Interior and Local Government (DILG) o sa City almost 100% naa, tinabangay ang mga Kapitan,” matud niini.
Ang ilang gibuhat matud niini nga alang kini sa mga maka benepisyo aron usab nga mapahimuslan ang mga tabang nga mahatag sa siyudad ilabi na sa mga yangungo sa mga katawhang kabus sama sa mga tambal,bugas ug uban pa.