SUGOD sa bulan sa Agusto ngadto Septiyembre ning tuig moabot na sa 20 ka mga suspetsado ang napatay sa drug operation sa Misamis Oriental.
Apan si Misamis Oriental Provincial Director Police Senior Superintendent Ronaldo Destura nga nahinabi sa SunStar Superbalita miingon nga wala nila gikaalarma ang datus sa napatay sanglit dokumentado man ug lehitimo ang tanan nilang operasyon.
Dugang niini nga tungod kay agresibo na kaayo ang mga suspetsado ug sagad armado gayud og mga pistola hinungdan nga tanan nilang mga drug personnel nakaalerto panahon sa operasyon.
Matud ni Destura nga wala sab nahinayon ang giingong pagpatawag sa Sangguniang Panlalawigan aron mahatagan og katin awan ang mga kaso sa nanlaban.
Wala kini nahinayon tungod kay posibleng nakita nga walay kalapasan nga gakahitabo sa mga operasyon.