GIPABUHAGAY ni Kawhi Leonard nga sa iyang pagtapon sa Toronto Raptors, nakatutok lang ang iyang atensyon sa umaabot nga 2018-19 season sa National Basketball Association (NBA) ug wala siya naghunahuna sa ugma damlag.
“My focus is on this year, striving to win a championship,” matod ni Leonard, kinsa mibiya sa San Antonio Spurs aron motapon sa Raptors niadtong Hulyo.
“If you look over the future, you are going to trip over the present.”
Si Leonard, kinsa nagduwa sa Spurs sa nag-una niyang pito ka mga tuig sa NBA, nagkanayon nga naghinamhinam na siyang moduwa isip usa ka Raptor.
Gawas kang Leonard, nabalhin sab sa Raptors ang laing sinalihan sa Spurs nga si Danny Green isip baylo nila ni DeMar DeRozan, Jakob Poeltl ug 2019 first-round draft pick. AFP, ESL