ANG iyang kadasig ug paningkamot nahimong dalan, aron sa hinay-hinay, maka-penetrate sa merkado ug mailhan ang produktong gama sa Kaliyah Beauty Solutions.
“Dati naglalako ako kahit saan, nagde-demo ako. That time nagkaron ako ng trust sa market. So, sa bawat area na na-visit ko naglalagay ako ng distributor, till nag-tap na ako sa Lazada at Shopee,” ni Nhor Yahyah Lalong, CEO sa Kaliyah Beauty Solutions.
Nagtrabaho isip government employee kaniadto, apan tungod mas buot maangkon ang kalambuan sa kaugalingon, gibiyaan niya ang pwesto ug gisuwayan ang marketing ug distribution sa nagkadaiyang produkto.
Tungod sa experience niya sa kanhi employers, nagamit kini ni Lalong sa gimugna niyang kompanya.
Sa nakalabay nga tuig, gipaguwa sa Kaliyah Beauty Solutions ang Kaliyah Organic Rub ug Kaliyah Aroma Therapy Oil.
Mga produktong organic nga suma ni Lalong, migamit sa mga ingredients, nga luwas sa environment ug bisan sa mga bata nga mogamit niini.
“Last year dili pa ingon ani ang timpla, until such time sa sige nako og study, na-perfect na nako siya. Gusto nako nga ang haplas ma-introduce dili lang sa mga old, but also sa mga millenials nga mahimo sab siyang parte sa needs inig pangitaon nimo sa balay.”
Dugang sa CEO nga naningkamot siya sa pagkat-on sa kung unsa ang pinaka-epektibong matang sa haplas ug organic rub nga mopatok gyud sa merkado.
Luyo nga organic ang produkto, certified Halal sab kini.
Tungod sa ka-epektibo sa produkto, ang Kaliyah o “God's Gift” usa na ka multi-awarded product.
Ang organic rub nahimong multi-awarded rub sa Pilipinas pinaagi sa Golden Globe Annuel Awards (Hall of Fame Awardee) ug ang Kaliyah Aroma Theraphy Oil maoy “Most Trusted Organic Oil Brand.”
Luyo niini si Lalong giila sab nga Top Earner sa Networking Company. Siya sab giilang Outstanding Filipino Achiever in Business Excellence for the year 2017 sa Golden Globe Annual Awards sa natad sa Entrepreneurship sa seremonya nga gihimo sa Manila.
Direct selling
Unang mihatak og followers ang produkto sa South Luzon, Camarines Norte, Bohol, ug Cotabato, gidugang ni Lalong.
Karon gisugdan na sab sa pagpa-ila-ila ni Yalong ang produkto sa Davao region.
“If you want to be a distributor you just buy the product worth P1,000, then may oil and rub na ni siya. You will sell it sa SRP nato, but still you will earn. You can also enjoy a lifetime discount once you became a distributor.”
Luyo sa menthol rub ug aromatheraphy oil available sab ang liptint, lotion with shea butter, pomade, perfume.
“I made sure na bago gyud sab nato gigawas ang product na-check nato ni og maayo, gipatry sab gyud nato siya.”
Personal products
Apan, ang manufacturing plant ni Lalong nga anaa sa Pantukan Compostela Valley Province bukas sab sa paggama og produkto alang sa mga indibidwal nga buot mag-market sa ilang own products.
“Pwede din like you want to distribute your own soap, i-personalize natin with your brand name, pero ibutang gihapon nato nga gihimo siya sa Kaliyah.”
Sa pagkakaron, busy ang grupo ni Lalong sa pag-suhid sa merkado ug pagpangita og dugang partners nila.
“Daghan pako og products nga gusto i-introduce, like coffee, puhon, atua nga hinay-hinayan na,” suma sa graduate sa BSBA major in Marketing sa University of Mindanao.
Sa dugang updates i-tsek lamang ang ilang Facebook page nga Kaliyah Beauty Solutions.