MERCEDES, Eastern Samar - Ginganlan na sa kapulisan ang duha ka persons of interest sa pagpusil patay sa konsehal ning lungsod nga si Antonio Arbis.
Ang duha mao sila si Francisco Baleña ug Marvin Gajol.
Si Baleña nasikop pinaagi sa usa ka search warrant ug nakuhaan og kalibre 9mm nga pistola, mga bala ug rifle grenade.
Sa samang adlaw, nasikop usab si Gajol kinsa nanghulga sa publiko nga magpabuto og granada.
Atol sa interrogation, niangkon si Gajol nga nagkunsabo sila ni Baleña sa pagpatay kang Arbis, diin usa ka testigo ang mitudlo kang Gajol nga mipusil. Politika ang gitudlo nga motibo sa pagpatay kang Abris. JKDP