DEAR Tita Heart,
Maayong buntag sa imoha Tita Heart. Nagpuyo ko karon sa lungsod sa Tagoloan. Akong problema tita kay akong bana tita dili gyod maminaw sa akong mga disisyon, iya tanan pagbout.
Sa amoa siya ang nagtrabaho ug ako naa lang sa balay. Among mga anak nangeskwela na og college naa na sa CdeO nag board. Akong plano magtrabho nalang ko pero dili sab ko niya sugtan. Unsa man akong buhaton tita.
Amy
***
Hello Amy,
Aduna gyod kay katungod isip asawa nga magdesisyon sab sa imong pamilya. Patas lang gyod unta. Karon sab nga nangeskwela imong mga anak, pagpanarbaho kung dunay oportunidad nga trabaho aron sab dili naka moagad sa desisyon sa imong bana bisan ultimo palit og underwear nimo desisyon pa niya. Ipakita sa iyaha kabalo ka modiskarte. Feel nako sa ingon ana nga bana nga halos dili nalang patingugon ang asawa ug dili lakipon sa decision making ‘nakaminos’ sa asawa. Hinaot mausab pa iyang kinaiya.
Tita Heart