WALA’Y kumpirmasiyon gikan ni Kagawad Nadia Emano-Elipe nga magpapili kini sa pagka mayor karong umaabot nga eleksiyon apan andam niini nga dawaton ang mga hagit ilabi na aron nga mahimo ang mga responsibilidad.
Sa pakighinabi kang Nadya gibutyag niini nga hangtod karong panahona wala pa sila’y insaktong nasabotan.
“Wala pa gyud, sabotan pa sa partido , naa’y mga nag-ingon, naa’y naghangyo lugar sa akong amahan nga ipadagan,wala pa’y actually kung unsa’y plano gyud,” pahayag niini.
Mapasalamaton usab kini sa nigawas nga resulta nga gipahigayon sa SunStar Daily nga netizen’s poll diin siya ang midaog batok ni Mayor Oscar Moreno.
“Kung gigawas man gani na nga nag-una siyempre mapasalamaton ko sa mga tawo nagtan-aw no nga angayan or makaya pero actually wala pa gyud,” butyag ni Nadya.
“Kung makadagan maayo, kung dili then okay lang pud, we always accept the challenge, paningkamotan man gyud nga mahuptan ang responsibilidad,” dugang niini.