LAKIP ang buhatan sa Regional State Prosecutor nasubo human na-acquitted sa kaso ang giilang "Drug queen of the South" dinhi sa dakbayan sa Cagayan de Oro niadtong adlawng Biyernes.
Basi sa 25 ka pahina nga desisyon sa Regional Trial Court, Branch 41, acquitted sa kasosi Johaira Macabuat, mas naila nga si "Marimar" ug "Mayora" lakip iyang bana nga si Suharto nga nadakpan tungod sa ginadili nga druga ug paghupot og illegal nga armas.
Lakip sa gibuhian mao sila si Sandato Sarip alias "Sanny Santican" ug Noraisa Sarip; Mark Gerald Sindac, Moamar Taher, Mariano Dagandara, Manot Duotan, Hezam Tambidan, ug Kate Abinal.
Nag unang rason sa acquittal mao ang adunay mga kasupakan sa pag implementar sa search warrant ug nabutang nga planted ang nakumpiskang mga illegal items.
Gikasubo kini ni Prosecutor Merlyn Uy ug adunay pahimangno sa mga law enforcers.
“This is a reminder for our law enforcers nga in cases like this even if they are armed with a valid search warrant they have to strictly comply with the requirements in implementing the warrant,” pahimangno ni Uy ngadto sa mga law enforcer diin matud niini nga kon dili masunod mabalewala lang ang pag implementar sa search warrant.
“Or else wala all efforts nimo will be in vain, mawala tanan,” matud ni Uy.
Gipasabot usab ni Uy nga sa disisyon sa acquittal dili na mahimo nga moapelar ang mga tinugyanan sa law enforcement agency kabahin niini apan niining kaso ila pa kining susihon.
Nasayran sab nga adunay mga dayalogo ug mga pagpasabot nga gahimuon aron mapasabot ang insaktong proseso pag-implementar sa search warrant labina nga kasagaran sa rason sa pagkadismiss o pagka acquit sa kaso kini tungod sa kalapasan sa implementasyon.
“Sige mi balik-balik, please- please inyo na i-comply kay mao na ang pinaka meet sa atong evidence unsaon ang usa ka kilo nga shabu kon malabay lang ang atong ebisdensya sayang ang efforts.”
“It is a discouraging thing for us. We expected the win, we expected a conviction because there was a valid search warrant and then we’ve got prohibited items, illegal drugs, unlicensed firearms kana mismo near possession constitute na unta of conviction,” matud niini.