Mga swimmer nga midaog sa Singapore gipasidunggan

GIHATAGAN og pasidungog sa kagamhanan sa Misamis Oriental ang mga atleta nga nagdala og dakong dungog sa probinsya human nahimong mananaog sa lain-laing kategorya atol sa swimming competition sa nasod sa Singapore sa 14th Singapore Island Country Club (SICC) niadtong bulan sa Agusto 25-26, 2018.

Niadtong Lunes, Septyembre 24, dungan sa pagpakayab sa nasudnong bandila gitunol nila Misamis Oriental Governor Yevgeny Vincente Emano, mga board members sila si Boboy Sabal, Leonard Winstanley, Wayne Militante, ug MOISC general manager Prexy Elipe ang plaque of appreciation sa mga atleta.

Si Adrienne Charles Aquillo, 10, Grade 5 student, nahimong silver Medalist sa 4x50 freestyle relay; Arianne Claire Minao, 12 ug Grade 7 ang mibitbit sab og gold medal alang sa 200-meter relay freestyle, silver medalist sa 200-meter freestyle, ug duha ka bronze medals sa 200-meter individual medley ug 100-meter freestyle; samtang si Kayleigh Angela A. Pabelic, 15, Grade 9 ang misakmit sa duha ka silver medals sa 100-meter butterfly ug 100-meter breast stroke, ug laing usa ka bronze medal sa 50-meter butterfly.

Si Aguillo nagsugod sa iyang karera niadtong tuig 2016. Samtang si Minao ug Pabelic nagsugod niadtong tuig 2013.

Matud ni Emano nga dakong garbo ang gidala nila Aguillo, Minao ug Pabelic sa probinsya sa Misamis Oriental ug dakbayan sa Cagayan de Oro.

Ang mga atleta daw kanunay makita sa MOISC alang sa ilang praktis ug tungod niini usa sa iyang gipasalig nga hatagan sila og prebilihiyo nga makagamit sa swimming pool aron makapraktis og libre bisan unsang oras.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph