GIBUTYAG sa Security and Exchange Commission (SEC) nga ang pagpangolekto og puhonan o investment sa Kapa (Kabus Padatuon) usa ka ilegal.
Nasayran nga usa sa sakop sa media nga si Cocoy Medina sa Radyo Pilipinas gitanyagan sa Kapa nga magpa membro apan wala kini magpadala gumikan na usab sa ilang proseso nga klarong aduna’y sayop.
Gidugang pa nga kusog na kini kaayo sa Bukidnon ug gani nakasulod na usab kini sa Misamis Oriental ug sa dakbayan sa Cagayan de Oro.
“I myself gani ilang gi-testingan og recruit pero nibalibad man gyud ko mao lage na nga mo invest lage ka sa ila pero mopirma ka og waiver nga donation ra ang imong ihatag and then in return maghatag sila og interest nga 30% per month,” pahayag ni Medina.
Samtang gibutyag ni SEC Regional Director lawyer Renato V. Egypto nga nakapagawas na og advisory ang SEC Manila niadtong milabay nga tuig hinungdan nga nagparehistro ang maong grupo isip religious society o Kapa Community Ministry International Inc. apan nakadawat og mga taho kalabot na sa pagpangolekta sa publiko og investment.
Gidugang pa nga wala pa’y pormal nga reklamo ang ilang nadawatan karong mga panahona apan aduna na sila’y gihimong mga imbestigasiyon ilabi na nga una na nga nagbutyag ang SEC nga magpagawas og advisory ang Kapa nga religious activity ug giingong Kapa nga wala nagparehistro nga dili sila kini usa ra apan hangtod karong mga panahona wala pa’y aksiyon.
Gibutyag usab ni Egypto nga sa susama niini nga kalihokan klaro nga ilegal ang ilang gihimo. Nagpahigayon na usab sila og kaugalingong imbestigasiyon kalabot na niini.
“Still whether Kapa or the Kapa community with that kind of investing thing activity, it’s illegal,” matud niini.
Posibleng magpagawas ang SEC og laing advisory sa umaabot nga mga adlaw kalabot na niini aron mapahimangnoan ang mga katawhan sa susama niini nga mga tanyag.
Padayon usab ang pagpahigayon sa SEC ug mga seminar aron ma edukar ang katawhan ug dili mabiktima sa mga susama niini.