TRENTA ka mga public and private Higher Institutions (HEIs) sa Davao Region ang gitugotan sa Commission on Higher Education (Ched) XI nga makapa-usbaw sa ilang tuition ug ubang balayrunon, epektibo sa tuig 2018-2019.
Sa pamahayag sa Ched Davao Region nga naka-post sa Facebook page, gikabutyag nga 37 gikan sa 95 ka HEIs sa rehiyon ang nag-aplay nga tugutan silang mopa-usbaw sa balayrunon, apan tungod sa ubang kalamboan ug implementasyon sa Republic Act No. 10931, o Universal Access to Quality Tertiary Education Act of 2017, nakunhuran ang 37, nahimo na lang kini nga 30 o 31.57 porsiyento sa total number sa HEIs.
Suma pa miagi og konsultasyon tali estudyante, magtutudlo, alumni, mga ginikanan ang matag tunghaan uban ang presensiya sa Ched Davao Region officials una sila gitugutan nga mopataas og matrikula.
Mga tunghaan nga gitugutang mopa-usbaw sa ilang tuition fee ug uban pang balayrunon gilangkuban sa Agro Industrial Foundation College of the Philippines, Arriesgado College Foundation Inc., Ateneo de Davao University, Brokenshire College, Cor Jesu College, Davao Doctors College, Davao Medical School Foundation, Davao Vision College, Gab. Taborin College of Davao, Holy Child College of Davao, Holy Cross College of Sasa, Holy Cross of Davao College, Interface Computer College, Liceo de Davao, Mindanao Medical Foundation College, Philippine Women's College of Davao, Serapion C. Basalo Memorial Foundation College, San Pedro College, Southern Philippines Baptist Theological Seminary, St. Peter's College of Toril, St. John Paul II College of Davao, Tagum Doctors College, Tecarro College Foundation Inc., UM Bansalan College, UM Digos College, UM Panabo College, UM PeƱaplata College, UM Tagum College, University of Mindanao ug University of the Immaculate Conception.
Suma pa nga subay sa consolidated data sa CHED XI ang average nga usbaw sa private HEIs sa tuition fee sa rehiyon anaa sa 4.77 porsiyento o P22.86 peso per unit, ug 4.68 porsiyento o P21.61 sa bayranan sa ubang mga tulunghaan.
Sa ubang HEIs sa Davao Region nga wala mahilakip sa listahan di mamahimong mopausbaw sa ilang balayrunon. (Rhona Goc-ong-Villariasa)