KAPIN 50 ka mga tinun-an sa Tanglaw National High School sa Barangay Tanglaw, Braulio E. Dujali, Davao del Norte nga sakay sa Isuzu Forward truck ang nadisgrasya ala 1:26 sa hapon Biyernes, Septyembre 28.

Nahitabo ang insidente sa Sitio Lower Maselong, Sto. Nino, Talaingod.

Sa teks nga gipaabot ni Phoebe Graza, municipal information officer sa Talaingod sa Superbalita Davao Biyernes, nagkanayon nga 17 ka mga tinun-an ang nakaangkon og major injuries samtang lain pang 35 nakabaton og dyutay nga angol sa mga lawas.

Mga nahisgutan daling gihatud ngadto sa Kapalong District Hospital ug Davao Regional Medical Center, Tagum City aron nga matambalan.

Sumala pa nga pauli na unta ang mga estudyante gikan sa outreach program sa maong lugar sa dihang kalit lang nga nagkaaberiya ang gisakyan nga truck nga dunay plaka numero LEH 480 hinungdan sa pagkadisgrasya.