552 na ang mga nadakpan sa MisOr

ANG Misamis Oriental Provincial Police Office (Moppo) dili lamang mitutok sa giyera kontra druga apan lakip sa ilang gitutokan ang pagpangdakop sa mga wanted person sa Misamis Oriental.

Sa report ni Moppo provincial director Police Senior Superintendent Rolando Destura atol sa Provincial Peace and Order Council meeting nga 552 na ka mga kriminal ang nadakpan.

Kung hisgotan ang kampanya batok sa loose firearms, moabot na ngadto sa 70 ka mga firearms ang nakumpiska.

Adunay illegal logging kung diin 11 ka mga illegal loggers ang nadakpan.

Sa hisgotanang pagpangkarnap, moabot sa noybi ka gituohang carnapper ang nadakpan samtang sa kampanya batok illegal nga sugal moabot ngadto sa 126 ka mga operations ang napahigayon.

Matud ni Destura nga dili sila moundang sa pagpaningkamot nga luwas sa kriminalidad ang palibot sa Misamis Oriental hilabina nga labihan ang pagkunhod sa nag unang kriminalidad sa probinsya.