LABIHAN ang kapungot ug wala gikalipay ni Wilkins Villanueva, Philippine Drug Enforcement Agency (PDEA)-Northern Mindanao director, sa pagka-abswelto sa kaso sa “drug queen” niaging semana.
Matud pa niya, “This decision just awakened the monster in me!”
Ang 25 ka pahina nga desisyon sa Regional Trial Court Branch 41 ubos ni Judge Joeffre Acebido nga acquitted sa kaso si Johaira Macabuat, mas naila nga si “Marimar” ug “Mayora” lakip iyang bana nga si Suharto nga nadakpan tungod sa ginadili nga druga ug paghupot og illegal nga armas.
Lakip sa gibuhian sila si Sandato Sarip alias “Sanny Santican” ug Noraisa Sarip; Mark Gerald Sindac, Moamar Taher, Mariano Dagandara, Manot Duotan, Hezam Tambidan, ug Kate Abinal.
Matud ni Villanueva nga ila na kining ipaabot sa Korte Suprema ug mo-file og certiorari. Ang certoriari usa ka kamandoan diin ang higher courts mag-review sa desisyon sa lower court kini tungod kay daw mas gihatagan pa og gibug-aton sa korte ang mga testimonya sa mga nadakpan ug nabalewala og maayo ang ilang gipang representa nga ebidensya.
Gikasakit og maayo niini tungod kay ilado kaayo si alyas Marimar nga daw gapayuhot og ginadili nga druga, napuno usab iyang inbox og text gikan mismo sa Marawi tungod kay lakip nasubo ug nasuko sa pagbuhi niini.
Gipasabot sab niini nga wala niya gikwestyon ang kredibilidad sa disisyon apan ang promulgation niini.
“Kung druga-druga lang ang pag-uusapan wag ako! Huwag niyo akong awayin hindi ko kayo uurungan.” Matud ni Villanueva.
“I am not questioning the credibility of the court, I am questioning the promulgation itself kung paano niya na promulgate, tingnan mo kahit hindi legal mind o legal officer ang babasa... wala kaming ginawa para hindi nai-present yong witness sa korte doon sa statement. It’s extra ordinary considering yung pinagdaanan ng kaso.”
“I’m sorry pero undermining the credibility of PDEA? Tingin niyo nag-planting kami? Kahit sinong tao dito sa Region 10 kahit itanong mo pa kay Marimar except doon sa telenovela, Narcom pa ako Marimar na yan.”
Dugang ni Villanueva ug miingon nga ipaabot na niya kini sa Korte Suprema ug padayon nga makigbisog hilabina nasayod siya sa mga gikalambigitan ni Marimar.
Uwahing post ni Villanueva sa iyang Facebook account, personal niining gipaabot nga labihan iyang kasubo sa desisyon.
“The war on drugs suffered a setback with the acquittal of Johaira Macabuat, popularly known as “MARIMAR,” a notorious drug queen who is trafficking drugs for almost two decades... who caused the destruction of the future of our children, and contributed to the proliferation of illegal drugs not only in Mindanao but the whole country.” Matud niini.