ANDAM na ang mga grandmaster (GM) nga sila si Wesley So, Rogelio “Jo-ey” Antonio, Jr. ug Darwin Laylo sa pagrepresentar sa Pilipinas alang sa Aeroflot Open 2010 nga sugdan karong Pebrero 8 sa Moscow, Russia.

Si National Chess Federation of the Phili-ppines (NCFP) President Prospero “Butch” Pichay, Jr. masaligon nga maayong makaduwa ang tulo ka GMs sa kompetisyon ug maghatag na sab kini’g laing dungog sa nasod.

Click here for stories and updates on the Sinulog 2010 Festival.

“We expect our three players, especially Wesley, to do well in the Aeroflot chess in Moscow,” matod ni Pichay nga nakuha sa usa ka artikulo sa ww-w.insidesports.ph. Ang matag tuig nga torneyo gikonsiderar nga usa sa labing tinahod ug labing lisod sa Swiss-system FIDE (World Chess Federation).

Sa miaging tuig, si So igo lang nisakmit sa ika-19 nga puwesto sa A1 group apan malaumon ang 16 anyos nga garbo sa Bacoor, Cavite nga mas maayo ang iyang perfor-mance ning higayuna.

Si So lab-as pa sa iyang 5th place finish sa Corus International Chess Championship sa Wijk Aan Zee, Netherlands.

Niadtong Disyembre, sila si So, Antonio ug Laylo nipakita og aksyon sa World Chess Cup sa Khanty-Mansiyk, Russia.

Sa maong torneyo, nakakulit og kasaysayan si So isip labing unang Pinoy nga nakabot sa 4th round.

Lakip sa iyang mga gipakaging mao sila si GMs Gader Gusienov sa Azerbaijan, Vassily Ivan-chuk sa Ukraine ug Gata Kamsky sa United States.

Sa kasinatian ni So sa nangaging dagkong mga torneyo, hayan gituohang mas mohantip pa gyud ang iyang pinsada.