KADUHA nipatig-babaw si kanhi world no.1 Dennis “Robocop” Orcollo aron pangulohan ang 4-1 nga kadaugan sa RP team batok sa Czech Republic sa miaging gabii sa first-ever World Team Cup Champi-onship sa Hall 13 Han-nover Exhibition Grounds sa Hannover, Germany.

Ang kadaugan maoy nagtukmod sa RP team ngadto sa round-of-16 sa prestihiyusong torneyo.

Click here for stories and updates on the Sinulog 2010 Festival.

Ang lumad nga taga Bislig, Surigao del Sur milampaso kang Roman Hybler, 8-2, sa 9-ball event unya iya kining gisundan og 7-2 nga kadaugan batok kang Lukas Krenek sa 10-ball.

“Maganda ang nilaro ni Dennis (Orcullo) against sa Czech Republic sa 9-ball at 10-ball competition. Talagang hindi niya binigyan ng pagkakataong makadikit. I hope magtuloy-tuloy ito,” matod sa manager ni Orcollo nga si Bugsy Promotions boss Ceferino “Perry” Mariano sa usa ka news release.

Laing nagtunol og kadaugan alang sa RP team mao si Japan-based Antonio “Nickoy” Lining, kinsa nilupig kang Michal Gavenciak, 8-4, sa 9-ball.

Sa 8-ball Scotch Doubles, nidaog ang RP Team sa primerong duwa, 6-3, apan nibawos ang Czech Republic, 6-4, sa ikaduhang kombati.

Ang sangka nila ni two-time BSCP National Pool Championships ruler Lee Vann “The Slayer” Corteza batok ni Hybler sa 10-ball wala na lang gitiwas kay naseguro na man sa RP team ang kadaugan.

Sa primerong tahas sa mga Pinoy, ilang gisiruhan ang Great Britain, 4-0.

Sakop sab RP squad mao sila si Ronnie Alcano, Warren KIamco, ug Marlon Manalo.

Ang ubang nasod nga nakasulod na sab sa round-of-16 mao ang Poland, Russia, Sweden, Germany, China, Switzer-land ug United States.

Ang kampiyon sa prestihiyusong torneyo makadawat og $100,000 nga ganti.