Peñalosa mi-K.O. sa tanzanian

IMPRESIBONG gi-knockout ni Carlo Penalosa ang Tanzanian nga si James Kabizange sa ikatulong round sa ESPN 5/GerPenz Boxing Promotion nga gipahigayon sa Skydome SM City North Edsa.

Ang oras 2:55 sa maong round human wa na makabarog ang Tanzanian fighter sa dihang nisagunto ug niyuko sa kanbas nga nagping-it sa kasakit sa tiyan nga maoy gitarget ni Penalosa, pag-umangkon ni kanhi two--time world champion Gerry Penalosa.

Unang napatumba ni Penalosa si Kabizange sa second round apan nakabangon kini ug nakalahutay hangtod sa pagkapupos sa oras.

“Alam kong may lakas siya, pero nakita ko yung weakness niya sa tiyan. Kaya doon ako bumanat. Nakita ko na rin yung estelo nya sa Youtube.

Kaya preparado ko yung galaw niya,” matod ni Carlo.

Sa first round agresibong miatake ang Tanzanian fighter nga naghatag usab og hulga sa depensa ni Carlo.

Apan hinayhinay kining nagkaluya tungod sa counter punches ni Carlo.

Sa laing bahin, nadepensaan ni Micheal Dasmarinas ang iyang IBO Bantamweight pinaagi sa spit draw decision batok ni Jessie Manyo-Plange didto sa Marina Bay Sandso niadtong Sabado. Ang mga judges mitali og, 93-97, 95-95, 96-94. (JBM)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph