SA panahon sa kampanya, di malikayan nga utingkayon ang kwalipikasyon sa usa ka kandidato.

Mao nga mahisgutan unsa ang matang ug asa kutob ang iyang edukasyon, ang iyang kahimtang sa panglawas ug pangisip ingon man unsang klaseha ang iyang gihuptan nga moralidad.

Click here for stories and updates on the Sinulog 2010 Festival.

Ang uban makalingaw kay dunay nakahuman og eskuyla sa eskuylahan nga wa pa matukod. Mahibaw-an pilay asawa o pilay kabit. Mogawas unsay tinuod nga kahimtang sa pangisip labi nag niagig kasud sa mental hospital.

Dihay nagpunay og lansad sa pagkapresidente, si Pascual Racuyal, nga nipresentar og nagwara-wara sa usa ka medical certificate nga sakto siyag pangisip.

Mahinungdanon usab ang panglawas sa usa ka kandidato kay gusto gud siyang moalagad sa katawhan sa tukmang panahon ug termino sa posisyon nga siya magpapili.

Malooy sab ta sa kandidatong masakiton nga tungod sa iyang kaigag nga moalagad sa katawhan, mosamot na hinuon ang kadaot sa iyang panglawas.

Sumala sa Korte Suprema (U.S. versus Sedano, 14 Phil. 338), The mental, moral and physical fitness of candidates for public office may be the object of comment and criticism.

Ang premise kon sukaranan niini mao ang ginaingon nga, Public acts of public men may lawfully be made the subjects of comment and criticism. If made in good faith, such criticism is privileged.

Apan kinahanglan nga ang maong komentaryo ug pagsaway way malisya.

Way manghilabot ug magtagad sa usa ka tawo nga pribado. Apan kon ang usa ka tawong pribado mokandidato, bukas na ang iyang kinabuhi sa publiko.

Apan bisan pa kon opisyal na siya, di gihapon mahimong sudlan ug tukion ang iyang pribadong kinabuhi.

They may attack and seek to destroy, by fair means or foul, the whole fabric of his statesmanship, but the law does not permit them to attack the man himself. They may falsely charge that his policies are bad, but they may not falsely charge that he is bad. (U.S. versus Conteraras, 23 Phil. 513).

(Ang atong paghisgut-hisgot mahitungod sa balaud madungog na matag karon ug unya sa mga tampo nga dunay punto legal ngadto sa tulomanon nga "Alang Kanimo Kapuso" nga gisibya gikan sa ala-una ngadto sa alas dos sa hapon sa sibyaan DYSS Superadyo sa RGMA network.)

(Sa mga reaksyon kang Atty. Eddie O. Barrita: E-mail: edbarrita@yahoo.com; Cell # 09165805285; Room 201, 18 Cherry Court Bldg., Gen. Maxilom Ave., Cebu City)