POSIBLENG sugdan na sa Grab Philippines ang paghatod sa nagkadaiyang serbisyo niini dili lamang isip ride-hailing apps sugod sunod tuig dinhi sa dakbayan sa Cagayan de Oro.
Matud ni Raenald de Jesus, deputy country marketing head sa Grab Philippines nga dul-an lamang sa tulo ka tuig apan paspas ang ilang trabaho ug buot niini nga mas palapdan pa ang paghatod og serbisyo.
"I would say that the next year is really our target, we've always want to expand all the services here in CDO," tipik sa pahayag ni de Jesus.
Gidugang pa niini nga usa sa mga dakbayan ang Cagayan de Oro nga ilang prayoridad gumikan kay aduna kini potensiyal ilabi na nga paspas ang paglambo ug pagdaghan sa mga nigamit sa maong app.
"It's a very vibrant market it's something that shows a lot of potential for us not just from a transport perspective but from a food, rewards and payments perspective," dugang niini.
Ang Grab Philippines sa umaabot aduna na'y GrabExpress diin pwedi na nga magdeliver sa mga dokumento ug uban pa sa buot niini nga padalhan. GrabFood diin pwedi na usab nga makaorder og mga pagkaon sa partner niini ug ihatod sa imong nahimutangan ug GrabPay diin sama nga mobile wallet mas mapadali ang mga transaksiyon diin di na kinahanglan og cash.
"Eventually we really want that it's an everyday app. Grab is the only app that you'll need everyday,” dugang niini.