ANG Social Security System (SSS) nilusad sa ilang bag-ong mobile application alang sa kasayon ug kapaspas sa transaksiyon sa mga miyembro.
Mamahimo na nga matan-aw sa usa ka miyembro ang iyang records mismo sa iyang mobile phone pinaagi sa mobile app nga aktibo na sa pagkakaron.
Si SSS President ug Chief Executive Officer Emmanuel Dooc nagkanayon nga ang maong mobile app mopasayon sa mga miyembro nga matan-aw ang iyang mga impormasyon pinaagi sa smartphones ug ablets ug dili na kinahanglang moadto sa buhatan sa SSS.
“Based on recent studies, smartphone usage in the Philippines will increase by 70 percent this year. In that regard, we are taking advantage of this opportunity by creating this SSS Mobile App so that members can easily access SSS information and services right at their fingertips,” matod ni Dooc.
Libre lang ang SSS Mobile App nga mamahimo kining i-download sa smartphones ug mga tablet nga nagdagan sa Android 4.4 Kitkat o mas taas nga operating system ug ingon man sa IOS 8.0 o mas taas nga bersyon.
Mahimo ma-download sa Google Play Store ug Apple App Store.
Aron kini magamit, gikinahanglan nga mo-log-in pinaagi sa My.SSS account’s user ID ug password.
Sa mga miyembro nga walay My.SSS account apan kinahanglan nga mobuhat og account ug morehistro pinaagi sa sidebar.
“They should be connected to the internet through mobile data or WIFI connection before using the SSS Mobile App. However, data charges may apply depending on their internet service provider or data usage plan,” dugang ni Dooc.
Ang mga impormasyon nga makuha sa SSS Mobile App mao ang mga estado sa kontribusyon; sickness, maternity, disability and retirement claim information; Employees Compensation (EC) Medical status; salary loan application status ug outstanding balance; location of SSS branch offices; ug ang documentary requirements alang sa SSS membership, benefit claims application (i.e. sickness, maternity, EC Medical, disability, retirement, funeral ug death), personal data amendment, ug UMID Card enrollment.
“As you can see, the features of the SSS Mobile App is almost the same with the Text-SSS facility,” saysay ni Dooc-.
Matod ni Dooc dili ikabalaka sa mga miyembro nga adunay pagbinuang o pagkawat sa mga personal nga impormasyon tungod kay aduna kini security features ug lig-on ang pag pangayo sa user ID and password.
Alang sa dugang impormasyon, adto sa SSS Website (www.sss.gov.ph), o motawag sa SSS Call Center Hotline 920-6446 ngadto sa 55 o local toll-free number 1-800-10-2255-777, o email sa onlineserviceassistance@sss.gov.ph.
Nasayran nga kasagaran sa mga negosyo ug mga serbisyo naa na makit-an sa cellphone human mao na kini ang pirme nga giatubang karon. PR