Tambagi ko Noy Kulas: Di na moangkon

DEAR Noy Kulas,

I am one of your avid readers sa Sun.Star Superbalita. Just call me Confused Heart, 23, nagpuyo sa probinsiya sa Sugbo. Mangayo ko og tambag nimo bahin sa akong problema sa gugma.

Naglibog ko og maayo kon unsay angay nakong buhaton, kon makigbuwag ba ko sa akong boyfriend karon. Ingon ani man gud ni, Noy, na meet nako ni akong uyab karon last 2007. Manghod nako siya og duha kapin ka tuig. Nanguyab siya nako unya gisugot nako siya one week ra gikan sa iyang pagpanguyab nako.

I know dali ra kaayo because I’m the kind of person that believes that love cannot be measured on how long you know each other. Mao to, Noy, nagkauyab mi ug wala ra poy buwan naa nay nahitabo namu.Paspas kaayo ang mga panghitabo. Apan di siya ang lalake nga nakauna nako. Sa wa pay nahitabo namo ako na siyang gisultihan daan aron wa siyay ikasukmat nako. Ingon siya nga okay ra daw niya kay love ko niya. So, nituo pud ko niya Noy. Love pud baya nako siya.

Later sa 2007, nabuntis ko ug akong gipakatawo ang akong gisabak kay mahadlok ko anang abortion. Usa pa supak ko anang butanga.

Dinhi na nagsugod ang akong problema kay magduda na man hinuon siya kon siya ba amahan sa akong anak kay di daw siya ang nakauna nako. Basin daw ako ra gipaangkon niya.

Magsige lang mi og away, way kalinaw among relasyon. Nag conflict pud mi sa among family kay di man siya magpakasal nako kay mao na iyang rason nga nagpakauwaw ra daw ko niya. Unya gidid-an na pud mi sa akong parents nga magkita-kita. Mao na usahay, Noy, mapuno kos iyang mga panglait nako.

Kon mag-away mi madapatan nako siya kay grabe man akong kalagot gud. Noy, tambagi ko kon unsa akong angay buhaton kon buwagan ba ni nako siya? Maluoy pud ko maghuna-huna sa akong anak nga magdako nga walay amahan. Sakitan pud kaayo ko maghuna-huna nga magbuwag mi.Tambagi intawon ko, Noy Kulas.

Thank you kaayo.

MS. CONFUSED HEART

Ms. Confused Heart,

Salamat kaayo sa imong pagsuwat. Baya, kahilas gud nianang mao nga lalake. Unsa man siya bay tag-iya sa imong pagkatawo ug lawas? Kon unsay imong niagi, wa na siyay labot pa. Karon kay mabdos ka na, molikay na siya sa iyang kaakuhan diha kanimo.

Iya na lang nang lusot nga nagduda siyang mao bay amahan.

Di siya makaingon nga imo siyang gilimbungan kay nisulti ka kaniya nga di ka na virgin kay nahilabtan ka na sa laing lalake.

But, wa ni magpasabot nga di siya ang amahan sa imong gisabak.

Gani, masubay mo man kana sa medical examination thru history kon kinsa ang amahan. Pagka wa lang gyud niyay batasan.

Kon ingon niana ang dagan sa inyong relasyon, having a child without a father is better kay sa imong gub-on ang imong pagkatawo pinaagi sa pagsigeg pasakit kanimo og sulti.

Kadaghan sa mga single mother nga maayong nakapadako sa ilang mga anak. Unsay importante mao ang suporta sa imong pamilya.

Ang pag-ila og maayo sa lalake, lakip sa pamilya, importante sa pagpili og partner. Next time, ayaw nianang imong giingon nga pareho ra na nga estorya kay di gyud na makaayo nimo.

NOY KULAS

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph