ANG Ford Academy of the Arts (FAA) elementary team gipakuratan ang defending champion nga Precious International School of Davao (PISD) sa iskor 51-24 sa finals sa Davao Association of Private Schools and Administrators (Daprisa) Meet 2018 elementary basketball tournament nga nahuman sa PISD basketball gym niadtong Dominggo.
Ang FAA elementary basketball team moapil sa Daprisa Meet karong tuiga diin ang PISD ang 2018 Davao Region Athletic Association (Davraa) gold medalist.
“Wala gyud mi nag-expect pati ang school kay among plano kay exposure lang sa mga bata para next year,” pahayag ni FAA head coach Kenneth Betita, sa interbyu.
Apan ang mga bata lahi og panghuna-huna diin gusto nila modaug sa matag duwa, “Gusto gyud nila mudaog,” dugang sa head coach.
Niya pa nga gipakusgan sa ilang tim ang depensa, “Our defense is our offense.”
Ang mga pambato sa tim sila Audrey Milmerc Apuya, Dominic Gabriel Cabrales, Zenrich Cj Cafe, Brent Stephen Dalhog, Jowich Paul Decastro, Mike Joseph Samson, Astrix Asher Parungao, Raine Justin Asumbrado, Rasheed Xander Amoren, Kerby Aaron Javier, Yohanan Ancog, Emmene Brixdel Lapena, Shawn Laurence Jimenez, Brille Santander ug Simon Juaquin Lim.
Nagpasalamat si Betita sa eskwelahan, ginikanan ug coach nga si Bambino Santander. (ABM)