SAYO pa kaayo kong pulitika ang hisgotan ning nagkaduol na ang filing sa certificate of candidacy karong Oktubre 11 ngadto 17 sa umaabot eleksyon sa tuig 2019.
Ginhawa na lamang ni Governor Yevgeny Vincente Emano nga ipadayag ang line up sa ilang partido sa PaDayon Pilipino sa Misamis Oriental ug Cagayan de Oro ngadto sa mga sakop sa media nga nagsige og pangulit kaniya.
Labaw sa tanan dili kini niya mabulgar sa pagkakaron tungod kay kamulo pa og han-ay ang tanan line-up.
“Too early, actually amo raman kontra ang na-busy na sa pulitika oi. Kami honestly you have never seen me discuss anything about politics,” matud ni Emano.
Aminado kining aduna lang silay gi-finalize sa dakbayan sa El Salvador ug lungsod sa Opol, Misamis Oriental.
“Wala pami kandidato sa uban lungsod labina diha sa El Salvador ug Opol. Naa tay kandidato sa uban lungsod paghan-ay nalang,” dugang ni Emano.
Sa pangutana kung unsay mga plano niini sa dakbayan sa Cagayan de Oro, “Sa City wala koy ikatubag honest. Di ko gusto bitaw nga ang buhat sa pikas maoy pagpangita og isyu sa amo aron paguba sa among partido. In fact if you remember pila ka semana ila ko gatirahon, gaadlaw-adlawon kay nagtou sila nga modagan ko pagkadagan mayor sa Cagayan de Oro. Karon humana ang pagtransfer wala naman sila ikasulti. Ambot unsa napod sunod nilang tirahon,” matud ni Emano, kinsa wala mibalhin sa iyang residency niadtong katapusang adlaw sa rehistro sa Commission on Elections.