SUPERBALITA DAVAO

Delos Reyes: Asa ang demokrasya?

Yanong Pagsabot

PILDI na kuno ang demokrasya sa demonyo, maoy giluwatan nga pamahayag ni Senador Antonio Fuentes Trillanes IV sa iyang gipahigayon nga press conference human mibalik sa Senado gikan sa korte sa Makati diin siya mipiyansa sa iyang kaso nga rebellion nga gibuhi sa hukmanan tungod sa pagpawalay bili sa amnestiya nga gihatag kaniya ubos sa pamunoan ni Presidente Benigno Aquino III.

Gihulagway ni Trillanes nga usa ka political harassment ang gibuhat kaniya ni Presidente Rodrigo Duterte tungod sa iyang pagpunay og panaway ug pagbatikus sa administrasyon ni Digong.

Sukad milingkod si Digong wa ko makadungog nga mipakita'g pagrespeto si Trillames sa Presidente diin ang iyang gipakita ang iyang tinuod nga taras.

Sa kinaiya, diha masukod ang usa ka tawo kon unsa siya. Bisan unsa kataas sa imong edukasyon o kurso nga nahuman balewala ang tanan kon wal akay pamatasan. Mahimo kang usa sa mga edukado pero walay batasan.

Ngipon sa ngipon maoy nagpatigbabaw kay kon ikaw usa ka amahan nga dili respetuhon sa imong anak dili puwede nga imo ra siyang patuyangan.

Pagrespeto kon gusto ka nga respetuhon.

Demonyo ang pagtan-aw ni Trillanes kang Presidente Duterte samtang siya usa ka santo.

Kanunay magbasa ang iyang baba sa pagpanaway sa pangulo karon nga gibaslan siya ug gipangitaan asa siya puwede tirahon moingon na siya nga wala na ang demokrasya.

Laing nakaukay sa katawhan ang sugyot ni Senador Tito Sotto nga ilisan ang mga pulong o lyrics sa katapusang linya sa atong Pambansang awit kay dili na kuno haum sa panahon karon.

Mas haum kuno ang “Kalayaan ipaglaban mo” kay sa “Ang mamatay ng dahil sa 'yo”. Hay naku! Wa seguroy lingaw sa Senado. Kon gibug-aton sa mga pulong ug pagbati, mas bug-at ang ipasabot sa naandan nga mga pulong tungod mao kini ang tinuod nga gibati sa mga Pinoy hangtud naangkon ang kagawasan kay wa mahadlok nga makig-asdang sa kaaway bisan dehado sa hinagiban sa gubat. Sundang, bangkaw ug pana lang ang gigunitan samtang kanyon ug mga pusil ang iya sa mga kaatbang.

Hinuon, mao man na ang inyo, lahi pod ang amo tungod nagpabilin pa man ang demokrasya sa atong taliwala sukwahi sa giingon ni Trillanes nga wala na ang kagawasan sa katawhan.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph