Cebu City Sharks vs Makati ugma

SA unang higayon, motapon sa Sugbo ang bag-o apan gikahinaman nga Maharlika Pilipinas Basketball League (MPBL) sa dihang ang Cebu City Sharks mo-host sa Makati Skycrapers sa University of San Jose Recoletos (USJ-R) gym, Basak-Campus, dakbayan sa Sugbo ugmang adlawa.

Ang Sharks ni coach Norberto “Titing” Manalili pabilin man tuod nga nangiwit sa Southern Division nga may 1-8 nga baraha apan wa kini makapawala sa ilang paglaom ug gipaabot nga makahatag kini og saktong kombati batok sa Manila Scrappers (6-3) atubangan sa ilang mga Sugboanong fans.

Moabag kanila sila si Enrico Llanto, Jondan Salvador, Eric Rodriguez ug Willilam McLoney nga maoy moatiman sa ilawom nga bahin samtang si John Abad ug Harold Cortes ang mideriher sa backcourt sa Sharks.

Anaa usab sila si Raffy Octobre, Garciano Puerto Jr., Francisco Arong ug Alfred Codilla nga makatimang sa opensa ug depensa.

Hinuon, mosulod sa korte ang Makati nga inilog ilabi na sa presensiya sa mga ex-pro nga sila si Rudy Lingganay ug Mark Isip nga abagan usab nila ni Jeckster Apinan ug James Mangahas.

Apan sa dili pa ang Cebu-Makati encounter nga sugdan sa alas 9 ang takna sa gabii, magtakos una ang Basilan Steel ug ang Zamboanga Valientes nga mosugod sa alas 7 sa gabii.

Gipaabot nga makakuha usab og suporta ang matag habig sa mga Sugboanon sanglit ang duha ka teams gibituonan usab og mga inilang basketbolista sa Sugbo.

Lakip sa iparada sa Basilan (4-6) mao sila si Jojo Tangkay, Mark Ababon, Hafer Mondragon, Dennis ug Dino Daa, samtang ang Zamboanga (4-5) bituonan usab nila ni Red Juntilla, Rino Berami, Von Harry Lanete nga makig-uban ni ex-PBA mainstay Leo Avenido. JBM

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph