LIMA ka Philippine Drug Enforcement Group (PDEA) agents ang nangamatay samtang laing agent ug usa ka kawaning sibilyan ang nangaangol sa ambush sa wa mailhing armadong mga tawo sa hilit nga dapit sa Lanao del Sur kagahapon.
Sa usa ka report nga niabot sa Camp Crame, ang kapulisan niila sa nangamatay nga agents gikan sa Autonomous Region in Muslim Mindanao (ARMM) nga sila si Kenneth Tabulo, Kristine Mae Torlao, Lores Joy Amar, Binzo Dipolla ug Diobel Pacinio.
Sila nangamatay samtang gipangtambalan sa usa ka hospital sa Marawi City. Nangaangol mao sila si Rachel Gentapanan ug Normina Dicay, usa ka civilian nga kawani sa PDEA-ARMM.
Ang mga biktima nagpahigayon og symposium sa drug surrenderers sa lungsod sa Tagoloan II, Lanao del Sur kagahapon sa buntag , padung na mopauli sa Marawi dihang giatangan sa Barangay Malna, Kapai. SunStar Philippines