MASADYAON ang solidarity night sa ikaduhang adlaw sa Association of Tourism Officers in the Philippines (ATOP) National Convention diin host ang probinsya sa Misamis Oriental.
Tibouk adlaw niadtong Oktubre 4 nagpahigayon og immersion tour ang 900 kapin ka mga delegado gikan sa nagkalain-laing nasod sa Pilipinas diin ilang gisuwayan kon unsaon pagluto ang sikat nga bibingka sa Lugait.
Lakip ang gisusi kon giunsa pagluto ang goda cheese sa El Salvador City.
Ila usab gisuroy ang mga nag-unang atraksyon sa Misamis Oriental ug ang pipila ka mga sikat nga pilgrimage site.
Pasado alas 6:00 sa gabii gipahigayon ang solidarity night diin masadyaon ang mga delegado.
Game sab si MisOr Governor Bambi Emano nga nakigsayaw kauban ang mga delegado.
Apan adunay minuto nga nahimong emosyonal ang kalihokan human ang Chairman sa ATOP nga si Minda V. Regis nihatag ug mensahe pasalamat sa kalamposan sa dakong kalihokan.
Gipasalamatan niini ang iyang mga kauban sa inisyatiba aron magmalampuson ang kalihokan tungod kay aminado ug nakahilak kining wala siya sa posisyon niadtong tungora sa pagpreparar niini tungod kay takdo sa pagpanaw sa iyang kapikas sa kinabuhi.
Gipasalamatan sab niini og maayo ang kagamhanan sa probinsya sa Misamis Oriental.
“At this point, let us collectively convey our appreciation to the enthusiasm of the Provincial Government headed by our Governor Bambi Emano as our very gracious host and of course the Atop counterpart convention chairperson Atty. Jeffrey Saclor especially to the rest of the official and employees of Provincial Government of Misamis Oriental,” matud niini.
Gibutyag sab niini nga ang masadyaon nga hulagway sa amahan sa lalawigan maoy usa sa hinungdan nganong ang Misamisnon malipayon nga midawat kanila.
“Truly governor your smiles certainly is very contagious that likewise reflects the warms hospitality of the Misamisnon,” pahayag niini.