“TEACHERS are key to achieving inclusive and equitable quality education for all. They are the means through which education is transmitted: without teachers, the goal of universal primary and secondary education, a fundamental human right, cannot be met.”
Kini ang malungkabong mensahe sa United Nations Educational, Scientific and Cultural Organization (Unesco).
Sa tibuok kalibutan, gisaulog ang tinuig nga kalihukan sa World Teachers' Day.
“The right to education means the right to a qualified teacher,” ang makahuluganong tema karong tuiga nga maoy hinungdan nga ang mga magtutudlo sa tibuok kalibutan nagkatigum sa usa ka tumong aron saulogon kini diha sa usa ka malipayon ug mabulokon nga paghandom.
Sa Pilipinas, dungan sa pagsaulog sa World Teachers' Day, gipahimugso sab ang National Teachers' Day uban sa tema: “Gurong Pilipino: Turo Mo, Kinabukasan Ko”.
Dinhi nakadawat og mga pahalipay, pagdayeg ug pagpasalamat ang tanan natong mga magtutudlo gikan sa atong mga kauban, pamilya ug sa mga lideres sa ahensiya sa edukasyon.
Ang Secretarya sa Deparmento sa Edukasyon (DepEd) Leonor Magtolis Briones nagpahinumdom sa mga lideres diha sa atong ahesiya sa edukasyon nga magmakanunayon unta ang pagbantay sa dagan sa kabag-ohan, mahimo unta silang mga tinuod nga sulugoong lideres.
Gisaysay ni Briones nga ang pagpangalagad sa publiko dili kini mahitungod sa gahum ug sa pangandoy aron lang maadunahan.
Kining tanan mahitungod sa pagsebisyo, pag –antus, sa pinansiyal nga paagi, sa pisikal ug sa psychological. Kining tanan mahitungod sa mga pag-atake gikan sa tanan nga mga suok.
Dugang niya nga kini, sa pikas bahin, mao usab ang hingpit nga kalipay - kalipay sa pagpaila sa reporma, ang hingpit nga kalipay sa pagtandog sa kinabuhi sa mga tawo ug ang hingpit nga kalipay sa pagtudlo kanila sa bag-ong mga paagi sa paghunahuna ug sa pag-alagad sa atong mga katawhan.
Si Bureau of Curriculum Development (BCD) director Jocelyn Andaya miingon, nga samtang kita nagpatuman sa K to 12 program, dili kita gusto nga magpabilin sa hilit ug buwag nga gikan sa national ug global nga mga isyu.
Dugang niya nga unta kita kinahanglan nga manggilabot sa palibot ug magpabilin nga collaborative ug proactive aron nga ang atong mga desisyon magpabilin nga tingog, responsive, ug mapuslanon ngadto sa mga Pilipino nga mga tigkat-on.
Sa kasaysayan, ang World Teachers' Day mao ang pagtimaan sa ika-70 nga anibersaryo sa Malukpanong Deklarasyon sa Tawhanong mga Katungod (1948) nga nag-ila sa edukasyon isip usa ka yawe nga sukaranan sa katungod ug nagtukod sa usa ka entitlement sa free compulsory education, sa pagseguro nga malukpanon ug makatarunganon nga access alang sa tanang mga kabataan ug kabatan-onan.
Sa tema niini nga tuig, “Ang katungod sa edukasyon mao ang katungod sa usa ka kuwalipikado nga magtutudlo,” nga gipili aron sa pagpahinumdom sa mga global nga komunidad nga ang mga katungod sa edukasyon dili makab-ot kon walay katungod nga gibansay ug sa mga kuwalipikado nga mga magtutudlo.
Bisan karon, usa ka padayon nga hagit sa tibuok kalibutan mao ang kakulang sa atong mga magtutudlo.
Adunay gibana-bana nga 264 ka milyon nga mga bata ug mga batan-on gikan sa mga eskuwelahan sa tibuok kalibutan.
Aron makab-ot ang Education 2030 agenda, nga ang kalibutan nagkinahanglan sa pag-recruit sa moabot kapin kon kulang sa 69 ka milyon nga bag-ong mga magtutudlo.
Kining gitawag og “teachers gap” mas mabati diha sa taliwala sa huyang nga populasyon, sama sa mga batang babaye, mga bata nga dunay kakulangan, refugees, migrant children ug mga kabus nga mga kabataan nga nagpuyo diha sa rural ug mga hilit nga dapit.
Sa niini nga konteksto, kasagaran ang ilang mga anak moabot diha sa eskuwelahan dili andam nga makat-on tungod sa malnutrisyon, kakabus, o sa kakulang sa pag-amuma, ug pag-atiman gikan sa mga makadaut sa sayong bahin sa utok sa kalamboan.
Dugang pahinungod sa Unesco ngadto sa mga magtutudlo nga unta ang, “Well-trained and qualified teachers are at the heart of quality education.
When education is interrupted due to forced or involuntary migration, children's right to education is weakened.”
Tinuod nga ang huyang nga teaching profession makahatag og negatibo nga epekto diha sa kalidad sa teaching ug sa learning.
Pinaagi sa pagsagop sa maong Education 2030 Agenda, ang UNESCO, makugihon ug komitado sa paglihok aron ang mga “teachers and educators are empowered, adequately recruited, well-trained, professionally qualified, motivated and supported within well-resourced, efficient and effectively governed systems.”
Busa, diha sa kinauyokang katungod sa edukasyon, mao ang usa ka kaayo-bili, kuwalipikado, ug well-trained teaching profession.
Nga ang mga magtutudlo mao ang yawe sa pagtabang sa mga anak sa pagsagubang taliwala sa mga bag-o mga sitwasiyon ug pagpalambo alang sa ilang kaayohan. Mabuhay ang mga guro! Mahal namin kayo!
(Feedback/comment 09109006290)