SA paghuman sa teleseryeng “Asintado” nilang Julia Montes, Shaina Magdayao, Paulo Avelino ug Aljur Abrenica, usa ka mala-gold nga serye ang mopuli niini.
Sa trailer pa lang nga atong nakita, istorya sa pamilya ang atong nuntan matag hapon. Konplikadong pamilya nga puno sa mga komprontasi ug may mga rebelasyon nga muotingkay nga kinahanglan dili nato sipyaton human sa “It’s Showtime”.
“Kadenang Ginto” nga sa titulo pa lang, ma-engganyo na ka og tutok niini. Ang bida dinhi mao si Albert Martinez nga nakita na nato sa hapit tanang mga serye sa Kapamilya.
Si babaylan Gloria, bida usab dinhi, kinsa may makalimot sa mekene mekene nga nagtrending pa ang Dimples Romana sa “Bagani” ug syempre wa lay kwenta ang papel niya sa “The Greatest Love” isip usa sa mga anak ni Sylvia Sanchez.
Morag may pagka-kontrabida ang papel ni Dimples sa “Kadenang Ginto.” Siya ang modaog-daog sa laing bida sa maong teleserye nga si Beauty Gonzales.
Si Beauty nga bag-ohay lang nato nakita sa “Maalaala mo kaya” ug nasundan sab nato sa “Pusong Ligaw”.
Si Adrian Allandy nga nakita sab sa seryeng “Onanay” ang usa usab sa bida sa “Kadenang Ginto” nga giilogan sa duha ka bidang babaye nga Dimples ug Beauty.
Si Andrea Brillantes ang anak dinhi ni Dimples ug may pagka-kontrabida ang papel sa trailer. Makauban dinhi ni Andrea si Francine Diaz.
Si Francine kadaghan na nato makita sa mga Kapamilya serye ug programa, apan dinhi sa “Kadenang Ginto” gihatagan og dakong break ang dalaga. Ang “Kadenang Ginto” ubos sa direksyon ni Jerry Lopez-Senening gikan sa Dreamscape production.
Kauban usab nila dinhi silang Susan Africa, Ronnie Lazaro, Kim Molina, Ruby Ruiz, Kat Galang, Luke Conde ug may espesyal nga partisipasyon ni Eula Valdez.
“Kadenang Ginto” masundan na ninyo sugod ugma matag hapon inig ka human sa programang “It’s Showtime” ay’g saba!