Human sa Naga operation, direktor sa BFP 7 gibalhin

ATOL sa pagpahunong na sa retrieval operations sa ground zero sa landslide sa dakbayan sa Naga, mao usab ang uwahing adlaw ni Bureau of Fire Protection (BFP) 7 Regional Director Sr. Supt. Samuel Tadeo sa rehiyon.

Siya maoy co-ground commander sa maong retrieval operation sa landslides sa Naga.

Si Tadeo kinsa kapin duha ka tuig nga nilingkod isip director sa BFP 7, madestino na sa Region 3 o Central Luzon.

“Sa team ko sana sa BFP 7 nagpapasalamat talaga ako sa suporta nila sa akin bilang naging RD nila. Marami kaming naging programa din na nakilala tong BFP 7 lalong lalo na sa mga response talaga namin,” matod ni Tadeo.

Gawas nga nagmalambuon ang ahensiya pinaagi sa hingpit nga pagpatuman sa pagkolekta sa code fees niini, mas daghang malampuson mga operasyon ang nahimo ubos kang Tadeo.

Usa niini ang dakong sunog nga nahitabo sa Metro Ayala niadtong Enero ug ubang dagkong mga sunog sa dakbayan Sugbo ug sa lalawigan sa Sugbo.

Niadto pang Oktubre 3 dihang niepekto ang pagbalhin ni Tadeo apan nihangyo kini sa Department of Interior and Local Government (DILG) nga i-uswag tungod kay gusto niini humanon ang retrieval sa Naga.

Hulipan kini ni Sr. Supt. Gilbert Dolot, kinsa gikan sa ilang Central Office sa BFP. (HBL)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph