SUPERBALITA DAVAO

Davao mitala og impresibo sa nasyunal

ANG Team Kaizen Davao jins ug coaches malipayon human sa National Inter-School Taekwondo Championships 2018 didto sa Rizal Memorial Stadium sa Manila niadtong Septyembre 30. (Gipaambit nga hulagway)

MIBILIN og impresibong marka ang Team Kaizen Davao human mihakot og pito ka bulawang medalya, usa ka plata ug tulo ka bronze sa National Inter-School Taekwondo Championships 2018 didto sa Rizal Memorial Stadium sa Manila niadtong Septyembre 30.

Sila Cian Filip, Kelvin James Asumbrado, Jenelle Claire Ibag, Heinrich Roberts, Neil Heinz Sevilla, Cyrus Maisip ug Lois Neo ang mikampeyon sa ilang tagsa ka kategorya samtang si Macy Dysanco mihatag og nag-inusara plata sa siyudad.

Miambag sab sila Jillian Canillo, Alvin Ibag ug Abby Mesiona og tig-usa ka bronze sa maong nasyunal kompetisyon diin 2,000 jins ang nagtigi sa tibouk nasud.

Sila Kelly Lada, Chai Calamba, Love Leanna, Angel Bacamante ug Kyle Reyes mipakita sab og nindot nga duwa apan natagak.

Si Coach ug trainer Anjela Pelaez, ang kanhi national team member, midayeg sa iyang tim diin nalampasan ang gilauman.

"All the hardwork and sacrifices na ginawa ng mga bata sa training nagbunga talaga," niya pa.

Ang San Beda College mitanyag og iskolar sa pipila sab sa iyang mga magduduwa. (ABM)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph