SUPERBALITA DAVAO

Genoguin: PRRD naay sakit?

Kontra Balanse

BISAN tuod og gilimod sa tigpamaba sa Malakanyang nga mipahulay lang ang atong Presidente Rodrigo R. Duterte (PRRD) ug wala magpa-hospital, apan gi-angkon niini nga nag-check up siya sa Cardinal Santos Medical Hospital.

Ug samtang nagpaabot og unsay resulta, namahayag ang atong Pangulo nga kon stage 3 na ang iyang kanser, pananglit kon aduna man, di na siya magpatambal.

Sa tanang presidente nga milabay, lahi si PRRD, di susama kang kanhi Presidente Ferdinand E. Marcos nga bisan nasakit, gilimod kini lakip na sa iyang mga sakop sa gabinite, apan sa kadugayan gibulgar.

Ang atong pangulo, wala gisupak ang atong batakang balaod nga kinahanglan isulti sa katawhan kung unsay kahimtang sa iyang panglawas, ug mao nga gibutyag niya nga duna na siya’y sakit kompirmasyon nalang kung kini kanser ba, o dili.

Kung ingon nato nga ang pipila sa Kaparian sa simbahang Katolika, nag-ampo nga masakit si PRRD, kitang tanan nasayod nga mas daghang katawhang Pilipino ang nag-ampo nga ayuhon ug hatagan og maayong panglawas ang atong pangulo, kini tungod sa iyang maayong pagdumala sa atong nasud.

Ang pag-ampo nalang seguro ngadto sa atong presidente ang bugtong natong mahimo nga matiwas niya ang iyang tahas, alang sa kausaban sa sistema sa atong gobyerno nga iya nang nasugdan labi na sa pagbungkag sa druga ug kurapsiyon.

Sa laing bahin, sa natad sa politka, dinhi sa atong unang distrito sa atong dakbayan sa Davao, daghang nag-atang kung magka-engkwentro ba ang Nograles ug Duterte.

Atangan nalang kini nato karong adlaw'ng Huwebes sa unang adlaw sa pag-file sa Certificate of Candidacy (COC).

Sa Davao del Norte, mahibaw-an unya kung unsay daganan nga posisyon sa tulo ka Del Rosario. Sa DavSur, Cagas, versus Peñas, sa ComVal, mingaw lakip na sa Davao Oriental apan sa Davao Occidental mora'g walay kalaban.

Good luck sa tanang kandidato ngari sa Davao Region.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph