NATAPOS na ang pagpangita sa Pilipinas og unang bulawang medalya sa Asian Para Games human nabingwit kini sa Dabawenyong para swimmer Ernie Gawilan sa 2018 continental games niadtong Dominggo sa Gelora Bung Karno Aquatic Stadium sa Jakarta, Indonesia.
Ang 28-anyos mi-oras og 2:52.43 sa men's 200m individual medley SM7 aron modomina batok sa Chinese-Taipei's Chen Liang Da (2:55.90) ug India's Jadhav Suyash Narayan (2:56.51) aron mabutang sa ikaduha ug ikatulong puwesto sa maong han-ay.
Gawas sa maong bulawan, nakakuha sab ang taga-Sasa og plata sa men's 50m freestyle S7 nga mihuman og 31.93s diin gisundan niya ang gold medalist Singapore's Wei Soong Toh (29.01s) samtang ikatulo si Narayan sa oras nga 32.16s.
Gawas sa double-medal ni Gawilan sa unang adlaw sa internasyunal torneyo, nakaharbat sab ang Pilipinas og laing duha ka medalya aron mopuwesto sa ikalima sa standing sa medal tally.
Ang teammate ni Gawilan nga si Gary Bejino naka-bronze sa men's 100m backstroke nga mirekord og 1:28.54 nga misunod siya ila silver medalist Aung Myint Myat sa Myanmar (1:24.84) ug gold winner Yang Hong sa China (1:18.97).
Sa para powerlifting, Achelle Guion nakaplatang medalya human mialsa og kinatibuk-an 67kg sa women's 45kg event.
Ang Intsik nga si Lingling Guo ang mibuak og world record nga mialsa og 115kg alang sa bulawan medalya.
Misunod si Kazakhstan's Alina Solodukhina sa Pinay og usa ka kilos alang sa bronze medalya.
Ang laing potensyal nga makasungkit og bulawan alang sa nasud ang beteranong Para powerlifter Adeline Dumapong-Ancheta ug Para table tennis player Josephine Medina.
Superbalita Davao
Dabawenyo mihimo'g kasaysayan sa Asian Para Games
October 08, 2018
- A
A +
View Comments
Disclaimer
SunStar website welcomes friendly debate, but comments posted on this site do not
necessarily reflect the views of the SunStar management and its affiliates. SunStar reserves the right to
delete, reproduce, or modify comments posted here without notice. Posts that are inappropriate will
automatically be deleted.
Forum Rules
Do not use obscenity. Some words have been banned. Stick to the topic. Do not veer away from the
discussion. Be coherent. Do not shout or use CAPITAL LETTERS!