TAAS kaayo ang hair karon ni Pokwang tungod kay duha daw ka foreigners ang gailog sa iyang 'exotic' nga beauty.
Pahayag ni Pokwang nga naa na sa 40's ang mga imported nga keke nga nag-ilog kaniya karon. Usa niini, businessman nga gikan sa UK samtang ang usa, pharmacist from America.
Matud ni Pokwang nga naila-ila niya ang maong mga foreigners dihang nag-show siya sa UK ug US ning bag-ohay pa lamang.
Pahayag niya, sukad niadto, pirmi na daw niya nga ka-text ang duha ka mga langyaw.
Giangkon ni Powkey nga di siya kahibawo makig-chat sa internet si Pokwang mao nga hangtud text lamang gayud ang iyang komunikasyon sa duha.
Gisulti sab ni Powkey nga usa sa maong mga keke ang moanhi sa nasud aron siya duawon! Ana kaguwapa si Pokwang!
Kung madayon, sumala ni Pokwang, March maabot sa nasud ang taga-UK samtang ang taga-U.S., misaad nga moanhi sab sa Pinas karong June.
Hinuon, nawindang sab daw ang beauty ni Pokwang tungod kay wala siya masayud kung unsaon niya pagpaigo sa iyang schedule ang pag-entertain sa iyang suitors tungod kay busy kaayo siya sa iyang trabaho.
Gibutyag ni Pokwang nga type sab niyang magka-baby nga foreigner ang amahan aron magka-anak gayud daw siya og tisoy ug tisay.
Giangkon ni Powkey nga bisan og wa'y kasal, willing siyang magpa-anak sa mga foreigners nga nanguyab kaniya aron nga masigurong naa lamang siya'y anak nga guwapa nga sama daw kang Anne Curtis.
Anyway, gawas sa maong rason, dugay na sab daw nga wala nahigugma si Pokwang mao nga this time, buot niyang maka-feel na sab nga may magpangga niya.