Bay sa Tagum naugdaw

GIBANA-banang mokantidad sa P20-mil ang mga kabtangan nga nahimong abo human naugdaw ang usa ka bay didto sa dakbayan sa Tagum.

Sumala sa report gikan sa Tagum City Fire Station nga pasado alas 6:00 sa buntag niadtong Lunes gilamoy sa kalayo ang balay nga gipanag-iyahan ni Demostrenes Sabac didto sa Barangay Visayan Village, dakbayan sa Tagum.

Paspas nga mikuyanap ang kalayo tungod kay ang bay ginama lamang sa amakan ug nipa.

Nagsugod ang sunog sa kusina nga bahin sa balay, tulin nga gilamoy ang tibuok panimalay.

Tungod sa sayo nga pagresponde sa mga bombero dali nga nakontrola ang kalayo, wa na miangin og ubang propredad.

Sa inisyal nga pakisusi sa mga otoridad nasuta nga miabot tanan sa kapin P20,000.00 nga kantidad sa mga kabtangan ang naugdaw.

Mga arson investigator padayon pa karon sa paghimo og dugang pakisusi aron sayron ang hinungdan sa sunog.

Hinuon way gikatahong nasamdan o naangol atol sa sunog. (Marvin Pineda)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph