PATAY ang kasamtangan nga judge human gipusil niadtong October 8, mga alas 4:20 P-2B, Barangay Banadero, dakbayan sa Ozamiz City, Misamis Occidental.
Giila ang biktima nga si Judge Edmundo Pintac, residente sa susamang dapit kinsa nakaangkon unom ka mga samad sa iyang ulo maoy hinungdan sa iyang hinanaling kamatayon.
Nasuta nga si Judge Pintac maoy executive judge sa Ozamiz City Regional Trial Court Branch 15 ug naghupot sa mga kaso sa druga ug mga ginadili nga armas batok nila ni kanhi Mayor ug Bise Mayor sa Ozamis nga sila si Nova Princess ug Reynaldo Parojinog Jr.
Niaging tuig, gi-deny niini ang petisyon sa magsuong Parojinog nga motambong sa lubong sa ilang mga ginikanan ug paryente nga namatay sa duguon nga pagpangronda sa kapolisan.
Matud ni Police Superintendent Surki Sereñas, ang tigpamaba sa Police Regional Office (PRO)-Northern Mindanao ang gipusil patay sa motorcyle-riding suspects.
Sakay sa iyang sakyanan si Judge Pintac dihang gipusil sa iyang ulo hinungdan sa iyang kamatayon.
Gisuwayan pa og dala sa Mhargen Hospital ang biktima apan nakabsan kini sa kinabuhi.
Hustisya maoy hangyo karon sa pamilya sa biktima lakip ang iyang mga kaubanan sa hukmanan.