ORMOC CITY – Gitunol na sa Department of Public Works and Highways (DPWH) sa kwatro distrito sa Leyte ang renewed building sa Ormoc City Social Welfare and Development (CSWD).
Ang building nagkantidad og P11.3 milyones.
Nanguna sa pag-turn over si DPWH District Engr. Lino Francisco Gonzales uban sa mga opisyal sa kagamhanan sa Ormoc nga gipangulohan ni Mayor Richard Gomez ug diha usab ang iyang asawa nga si Kong. Lucy Torres-Gomez.
Matod sa taga CSWD nga dako nilang pasalamat gumikan kay dako og gamit sa mga social welfare services ang building.
Gawas niini, magamit usab kini sa pagpahigayon sa mga livelihood ug child welfare services. Giseguro sa DPWH nga maayo ang kalidad sa maong building. JKDP