SECTIONS
Saturday, December 15, 2018
SUPERBALITA CAGAYAN DE ORO

NPA patay sa engkwentro

USA ka gitouhang sakop sa New People’s Army (NPA) ang namatay sa engkwentro niadtong Martes Oktubre 9, sa Brgy. New Eden, Pangantucan, Bukidnon.

Samdan sab ang laing duha ka sakop sa sundalo nga sakop sa 1st Special Forces Battalion ubos 403rd Infantry Brigade kinsa gidala na sa hospital sa 4th Infantry Division Philippine Army sa Camp-Evangelista ning siyudad sa Cagayan de Oro.

Moabot ngadto sa 30 minuto ang pagbinayloay sa mga sundalo nga nagpahigayon lamang unta niadtong tungora og security patrol dihang naengkwentro ang moabot sa 10 ka mga sakop sa NPA nga gitouhang miyembro sa Guerilla Front 68 North Central Mindanao Regional Committee.

Nakumpiska sab nila ang M16 rifle kauban ang M203 Grenade Launcher, laing M16 rifle, M14 rifle, ug barrel sa M60 Machine Gun ug lakip pa ang walo ka anti-personnel mine, usa ka hand grenade ug nagkadaiyang ammunition.

Sa pagkakaron wala pa nailhan ang identipikasyon sa namatay nga NPA ug padayon pa kining gipanawagan ang pamilya niini.

Gipasabot sa kasundalohan nga mihatag sila ug seguridad sa katawhan nga gasige og reklamo gumikan sa padayon nga pagpangilkil nga gahimuon sa walhong grupo.

Gibutyag ni Lieutenant Colonel Sergio Macarandan, 1st Special Forces Battalion commanding officer nga ang engkwentro resulta sa pagtinabanga sa kasundalohan ug katawhan sa dapit.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!