GIHATAGAN na lamang og tulo ka adlaw nga lugway sa mga nagreklamo si Mark Freeman, kinsa maoy founder sa gitawag nga Freedom Traders Club (FTC) o sa Ploutos Coins, human nga nagsaad kini nga ibalik ang ilang mga salaping cash nga nabubo niining maong kalihokan.
Matud sa wala magpaila nga biktima gikan sa Davao City nga gihatagan na lamang nila si Freeman og hangtod karong Oktubre 15, 2018 human nga wala pa mabalik kanila ang ilang mga investments.
“Gihatagan namo si Freeman until 15 if not, katong isa ka col. na member sa autotrade nag file na og case and ready na e serve eh yang warrant,” pahayag sa wala magpangalang biktima.
Samtang gibutyag usab ni Kagawad George Goking, chair sa Trade and Commerce, nga angayang magduso sila og reklamo sa buhatan sa National Bureau of Investigation (NBI) ug ang buhatan na ang nag-imbestiga karong mga panahona gumikan kay nahumana ang ilang imbestigasyon hinungdan nga dili na usab makahatag pa og kumento.
“We can’t comment on this kay nahumana naman among investigation,” pahayag ni Goking.
Nasayran nga nagsaad matud si Mark Freeman nga ibalik ang ilang investment karong umaabot nga Oktubre 15 diin maoy gihataag ni Freeman gumikan kay na freeze matud ang account niini. Giingong wala pa'y warrant of arrest karong mga panahona.
Gidugang pa nga gikabalak-an sa mga biktima nga makagawas sa nasud si Freeman.