SECTIONS
Saturday, December 15, 2018
SUPERBALITA CEBU

Public hearing karong Lunes sa plitehan sa PUJs

KARONG Lunes, Oktubre 15, ang public hearing alang sa gipangayo sa Basak-Lapu-Lapu City Jeepney Operators and Drivers Association (Balacjoda) nga P2.50 nga provisional increase alang sa minimum nga plitehan lukop sa Central Visayas.

Gikompirmar ni Land Transportation Franchising and Regulatory Board (LFTRB) 7 Regional Director Eduardo Montealto Jr., nga ala 1:00 sa hapon sa Lunes himuon ang public hearing sa ilang buhatan sa North Reclamation Area.

Ang maong provisional increase nga gipangayo mao ang una nga provisional nga gipangayo sa usa ka transport sector sa Sugbo subay niining sunodsunod nga pagsaka sa presyo sa produkto sa petrolyo.

Dugang ni Montealto nga itandi sa petition gyud nga permanente nga pasakaan ang pletehan kining provisional fare hike, 80% sa rekomendasyon nila sa regional office ang aprobahan sa ilahang ulohang buhatan.

Kini nagpasabot nga kon uyonan nila ang P2.50 ug aprobahan usab kini sa ilang central office, mamahimo na unyang P9 ang minimum nga pletehan sa Sugbo ug lukop Central Visayas.

Niadtong Septiyembre dihang nisang-at ang Balacjoda sa ilang petisyon nga provisional increase alang sa pletehan sa jeep.

Samtang. niadtong Lunes usab dihang nisang-at na usab sa ilang petisyon nga P4 nga dugang sa minimum nga pletehan sa mini bus ang grupo sa mga operators niini.

Matod ni Montealto nga gisumiter na sa ilang buhatan ang maong petisyon ug gikatakda pa nga huwaton nila nga mamantala kini sa pamantalaan aron maka-set sila og petsa sa public hearing niini.

Kon maaprobahan, mamahimo na unyang P10.50 ang unang lima ka kilometros ang pletehan sa mini bus gikan sa P6.50 nga minimum nga plitehan iini. HBL


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!