GIKAN sa lima ka tunghaan dihang nagsugod sa Cagayan de Oro City, ang 4th Mindanao Peace Games (MPG) ablihan nga dunay 13 ka miyembo sa umaabot nga Oktubre 26 sa Father Saturnino Urios University sa Butuan City.
Atol sa Davao Sportswriter Association (DSA) Forum niadtong Huwebes didto sa The Annex of SM City Davao, si MPG convener Noli Ayo miingon, “Masaya na from four to five schools when we started we are 13 this year. We have two new members from Davao - San Pedro College and University of Southeastern Philippines (Usep).”
Gikan Cagayan de Oro City, ang milabay nga edisyon sa MPG gihimo sa General Santos City ug Davao City.
“The MPG will have nine sporting events and four parallel events that will help athletes and coaches build character - coaches' forum, ted talk, popcorn and movie night, among others,” dugang ni Ayo.
Mao kini ang Basketball, volleyball, football, table tennis, badminton, swimming, karatedo, taekwondo ug chess sa lima ka adlaw nga kompetisyon nga gisuportahan sa Smart, One Meralco Foundation ug The Discovery Leisure Company.
Kasagaran sa mga events alang sa kababaihang atleta apan sumala ni Ayo nga duna silay gi-organisa alang sa mga lalaki lakip ang college men's football sa Nobyembre 7 hangtud 11 sa Davao City. (MRP)