ANG Damosa Land Inc. Chess Challenge gitigian sa Damosa Market Basket Food Court sa Lanang, Davao City adlaw’ng Biyernes, Oktubre 12.
Unang gisulti ni organizer Gogo Alba atol sa Davao Sportswriters Association (DSA) Forum sa The Annex of SM City Davao niadtong Huwebes nga ang Damosa Market Basket nailhan nang “regular venue” alang sa mga chessers sa Davao City sa milabay nga katuigan.
Nahimong motibasyon nila nga ibalik kini aron mahatagan ang mga lokal nga mapalambo pa ilang abilidad.
“Davao City is known to be a chess capital the reason we wanted to open more opportunities for athletes who might soon earn scholarships through their excellence in the game,” niya pa.
Ang monthly chess tournament modagan sunod unom ka bulan nga dunay tulo ka kategorya lakip ang Division A (21 years old and above), Division B (13-20 years old) ug Division C (12 years old and below).
Dugang ni Alba nga way registration fee kini apan duna gihapoy madawat nga premyong kuwarta ug medalya ang tulo nga manguna matag dibisyon sa torneyo nga five-round Swiss System Format event. (MRP)