RP upat ka mga gold sa langoy

UPAT ka gold medals ang gisakmit sa mga Pinoy sa katapusan nilang pagpangataki didto sa Jakarta Indonesia atol sa 2018 Asian Para Games.

Gibidahan nilang Sander Severino, Ernie Gawilan ug Arthus Bucay aron hatagan og laing medalya ang Pilipinas.

Si Severino nidaog sa individual title diin siya ang nag-una sa rapid P1 diin iyang gipangulohan ang Philippine Team sa rapid P1 gold uban nilang Henry Roger Lopez ug Jasper Roy.

Siya ang atletang Pinoy nga adunay labing daghan nga nasakmit nga bulawang medalya (4) atol sa matag-upat ka tuig nga kompetisyon.

Si Gawilan nakakuha sa iyang ikatulong gold medal kinsa ni-oras og 4:51 sa men’s 400 meter freestyle S7 aron langkaton ang bag-ong record sa Asian Para Games diin siya sab ang nidaog sa men’s 200 meter individual medley ug men’s 100-meter backstroke.

Si Bucay ang nag-una pagsakmit og gold medal para sa Pilipinas niadtong Biyernes diin siya ang nanghawod sa men’s C5 4,000 meters ug siya gisundan ni Saori Sufyan sa Indonesia ug Mohammad Mahdi sa Iran para sa silver ug bronze medal.

Laing mga Pilipino ang nidaog og gold medal, silang Redor Menandro, Arman Subaste ug Israel Peligro sa men’s team standard B2/B3 sa chess ug Kim Ian Chi sa mixed singles sa bowling.

Sa kinatibuk-an, ang Pilipinas adunay 10 gold medals, 8 silver ug 11 bronze.

Sa kinatibuk-an, ang nasod nahimutang sa ika-11 atol sa pagtapos sa Asian Para Games.

Ang Philippine Team nagtinguha nga palambuon pa ang ilang performance sa mosunod nga upat ka tuig. PAC

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph